HomesociedadeRuta xeolóxica do alumnado do IES A Pinguela

Ruta xeolóxica do alumnado do IES A Pinguela

Os cursos de 4º ESO e 1º de Bacharelato con Bioloxía participaron nunha ruta científica dirixida polo xeólogo ourensán Eduardo González Clavijo.

Publicado o

- Advertisement -

A natureza concibida como unha gran aula foi o escenario dunha actividade organizada polo Departamento de Bioloxía do IES A Pinguela para o alumnado de 4º ESO e 1º Bacharelato que guiou o xeólogo ourensán Eduardo González Clavijo.

Os escolares saíron do centro para percorrer unha ruta xeolóxica por terras da comarca de Lemos e as ribeiras do río Sil. A primeira etapa desta viaxe científica tivo lugar na parroquia da Parte, onde lembraron brevemente a historia do noso planeta e a orixe da vida.

Nas proximidades de Monforte, os estudantes puideron observar a estrutura das arxilas que integran o terreo do val de Lemos, así como detectar as fallas na súa configuración. Desde o Monte de San Vicente, en Monforte de Lemos, o xeólogo explicolles como se formou o Val de Lemos e trasladáronse a continuación a Canabal para continuar o seu estudo xeomorfolóxico.

Explicacións onde a Torre da Homenaxe de Monforte. Foto: IES A Pinguela.

Xa pola tarde, coñeceron a formación xeolóxica da Fervenza do Cachón no río Vaos e a zona das Marmitas de Xigantes e puideron  estudar a formación coñecida como Ollo de Sapo e analizar a súa singular tipoloxía de rochas. Remataron a xornada cun baño nas frías augas que este ano leva esta fervenza.

“Foi unha moi interesante ruta guiada que cada ano organiza o noso departamento de Bioloxía co fin de achegar mellor a xeoloxía ao alumnado”, comentaba o director do centro, Enrique Sampil.

Foto de familia da excusión divulgativa / IES A Pinguela.

ÚLTIMAS

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...

O paro diminúe en marzo en todas as comarcas do sur de Lugo, agás na de Quiroga

Segundo CCOO, os datos do Paro en Lugo Centro Sur son de 2.731 persoas...

A AV de Vilaesteva no Saviñao, alerta da construción dunha central de biogás

A asociación asegura ser coñecedora desta situación por casualidade e trasladoulle as súas preocupacións...

IGV diríxese ao Ministro de Transportes denunciando o estado das estradas de titularidade estatal no interior galego

Interior Galego Vivo asegura que o estado actual da N-540 entre Lugo e Ourense...