HomesociedadeO monfortino David Rodríguez estará na presentación do filme 'As Neves' en...

O monfortino David Rodríguez estará na presentación do filme ‘As Neves’ en Monforte

A longametraxe chega aos Cine Hollywood este venres 31 de maio e estará, como mínimo, ata o xoves 6 de xuño.

Publicado o

- Advertisement -

A longametraxe As Neves, ópera prima escrita e dirixida por Sonia Méndez, chega por fin ás salas de cine de Monforte a partir deste venres 31 de maio. Estará dispoñible en sesións diarias nos Cines Hollywood como mínimo ata o xoves 6 de xuño.

Para a estrea do filme na cidade do Cabe estará presente un dos seus actores protagonistas, o monfortino David Rodríguez, ao que coñecemos xa pola súa brillante participación na longametraxe Live is Life, de Dani de la Torre, rodada en diferentes localizacións da Ribeira Sacra en 2021. O pase presentado por David será este venres 31 ás 20:30h nos Cines Hollywood.

O filme, que xa chegou ás salas o pasado 10 de maio coa distribuidora Sideral, é un drama adolescente ambientado nunha vila ficticia chamada As Neves, en terras da Fonsagrada, que se achega con mirada íntima á xeración moza que vive no contraste entre a hiperconexión e o aillamiento. Unha produción de Cósmica Producións en coproducción con Aquí y Allí Films, coa participación de RTVECRTVG e CREA SGR, a colaboración de HBO, o financiamento do Ministerio de Cultura (ICAA), o Instituto de Crédito Oficial e a Axencia Galega das Industrias Culturais da Xunta de Galicia.

SINOPSE

As Neves é unha vila galega de montaña onde todos se coñecen. Na noite do Entroido un grupo de adolescentes celebra unha festa e toman setas alucinóxenas por primeira vez. Ao día seguinte espertan cun temporal de neve e coa noticia de que Paula, unha das rapazas da festa, desapareceu. Mentres, a vila queda incomunicada e cae internet. Cada vez é máis urxente atopala. Comeza unha investigación que causará un profundo cambio nas súas vidas e na súa relación co mundo.

ÚLTIMAS

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...

Encontro sobre lexislación e axudas para o turismo, mentres seguen as xuntanzas “Montes de Saberes”

En Chantada desenvolveuse unha xornada sobre lexislación e axudas dirixida a proxectos relacionados co...