Tras tres días de Chantapas, desde o venres 7 ao domingo 9 de xuño, e centos de votos, o xurado popular decantouse pola proposta de La Cervecería, “Patacón de Abadía”, como a mellor desta edición do concurso de tapas de Chantada. Trátase dunha receita típica de Cuba que elaborou a cociñeira deste establecemento, Yailé Alonso.
No segundo posto quedou a tapa de A Viñoteca Chantada, “Jugoso de tierra y mar”, e, en terceiro lugar, a do Café Cantón: “Focaccia San Xoán”.
En palabras da organización, “o Chantapas 2024 foi todo un éxito, e foron centos as persoas que participaron, percorrendo os oito locais co seu pasaporte para votar á súa tapa favorita”. A Faragulla, Café Sylt, Café Bar Centro, Café Cantón, La Cervecería, A Viñoteca, Bar Carballeira e Bar Pizzería Mar foron os participantes desta edición do exitoso concurso de tapas de Chantada.
![](https://xornaldelemos.gal/wp-content/uploads/2024/06/448216995_10232110423173561_4196160455350609525_n-1024x686.jpg)