HomesociedadeO IES A Pinguela foi gañador dun dos 10 retos do Programa...

O IES A Pinguela foi gañador dun dos 10 retos do Programa InnovaTechFP da Consellería de Educación

O IES A Pinguela foi un dos dez centros con iniciativas premiadas pola Consellería de Educación dentro da primeira edición do Programa InnovaTechFP 2023/24, dotadas cada unha con 10.000 euros para o desenvolvemento do seu proxecto.

Publicado o

POR
Redacción
- Advertisement -

Alumnado e profesoras do ciclo de Confección e Moda do centro participaron no reto 7 coa empresa ‘elPulpo’ sobre ‘Creación dunha colección téxtil reciclada’. Desde o centro felicitan a alumnado e profesorado polo que levan traballado durante o curso, o que fai que os ciclos de Confección e Moda e a familia profesional de Téxtil se convertesen nuns dos referentes importantes do instituto.

Os 10 centros premiados imparten Formación Profesional en Vigo, A Coruña, Ferrol, Burela, Lugo, Ourense e Monforte, proclamándose vencedores dos retos desta edición de Innovatech FP: os gañadores foron os centros integrados de FP Valentín Paz Andrade, Imaxe e Son, Ferrolterra, Portovello e Politécnico de Lugo, así como os institutos Politécnico de Vigo, A Sardiñeira, Perdouro e A Pinguela.

Todos os participantes afrontaron a solución de 10 retos tecnolóxicos presentados por distintas empresas (Viaqua, Pérez Rumbao, Diesemm, Finsa, Aceites Abril, L’Oreal, elPulpo, Roberto Verino, Fundación San Rosendo e Naturgy) referentes da nosa comunidade.

“As propostas premiadas neste acto son pioneiras e un exemplo do gran potencial que atesoura a nosa FP para contribuír a dar un salto de calidade tecnolóxico e innovador ao tecido produtivo galego”, destacou o conselleiro de Educación, Ciencia, Universidades e FP, Román Rodríguez, quen acompañado pola directora xeral de FP, Eugenia Pérez, presidiu a entrega de premios da primeira edición do certame InnovaTech FP, un programa que sinalou como “revolucionario para o apoio da formación tecnolóxica e dixital dos futuros profesionais, ao tempo que redunda positivamente no tecido produtivo”.

O titular do departamento educativo galego explicou que o programa naceu este curso para poñer de manifesto a importancia de responder ás necesidades reais do tecido produtivo apoiándose na innovación tecnolóxica e no emprendemento, retando aos estudantes a resolver as propostas das empresas. “As propostas premiadas son pioneiras e un exemplo do gran potencial que atesoura a nosa FP para contribuír a dar un salto de calidade tecnolóxico e innovador ao tecido produtivo galego”, destacou.

Román Rodríguez puxo tamén en valor a importancia do Centro Galego da Innovación da FP Eduardo Barreiros como polo tractor das iniciativas xurdidas ao abeiro do programa. De feito, poranse a disposición do alumnado as instalacións e medios materiais humanos do centro para facilitar o desenvolvemento destes proxectos avanzados no eido tecnolóxico e industrial e a transferencia de coñecemento aos sectores produtivos.

InnovaTech FP dirixiuse a centros públicos de FP con dinámica de investigación, innovación e emprendemento, e que contan con viveiros de empresas ou aulas de emprendemento. InnovaTech FP enmárcase na Estratexia de FP Galicia 2030 e no Plan Innova FP Galicia e desenvolverase entre o presente curso 2023-24 e o próximo 2024-25, ó longo dos que se mobilizarán máis de 2.000 alumnos e 400 profesores de 100 centros de FP, o que suporá un investimento de 1,5 millóns de euros neste período. Nesta primeira edición participaron 85 centros e arredor de 800 alumnos.


InnovaTech FP / IES A Pinguela

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...