A asociación cultural Segredos de Pantón inaugurou o pasado sábado 29 de xuño a mostra fotográfica “Elas na memoria” na III edición do festival “O Son da Aldea”. “Trátase dunha escolma de relatos de mulleres pantonesas destacando a importancia das mulleres do noso día a día para a nosa sociedade e así dar a coñecer vivencias e historias que pasan moitas veces desapercibidas”, comentan dende a entidade pantonesa.

O seguinte paso que se propoñen é contactar co Concello de Pantón para que a vindeira parada da mostra sexa o edificio sociocultural.