O domingo, 18 de agosto comezará ás 11.00h. con Música na Rúa para as 12:30h. ter sesión vermú nos bares de Ferreira e ás 14:00h na Praza de Goián. Ás 17:30 na Praza do Concello desenvolverase a programación infantil, Infantilandia, con xogos e actividades para os/as nenos/as. A partir das 21:30 contarase coas actuaciones de Xtremo e o Grupo Tekila.
Xa o luns, 19 de agosto, volverá a haber Música na Rúa desde as 11.00h. e tamén sesión vermú en Ferreira e na Praza de Goián. Dede as 17:30h contarase coas actividades de Infantilandia, que nesta xornada terán lugar na Piscina Municipal. Xa pola noite, desde as 21:00h a verbena estará amenizada polas orquestras Nuevas Fuerza e América.
O alcalde, José Luis Álvarez, destaca o ambiente familiar das Festas de Ferreira, onde ano tras ano nenos e maiores desfrutan con familia e amigos destes días de lecer, “Animo a veciños e visitantes a vivir con ledicia estes tres días de música e actividades que farán as delicias dos asistentes e que encherán de ambiente as rúas da vila. As Festas de Ferreira sempre son de reunión das familias e de reatoparse coas orixes”.
Este ano para rematar o mes de agosto, os días 30 e 31, contarase cunha nova edición do Trece Roeis Fest que organiza a Asociación Cultural 13Roeis contando coa colaboración do Concello de Pantón. Ao longo destes dous días pasarán polos escenarios do Trece Roeis artistas como Soziedad Alkoholica, Fillas de Casandra, Arrhymia, Rebelión do Inframundo, Xabier Vizcaíno, Tiam Cg, Exeria, Peter Punk e Brais das Hortas, Mago Teto, Baturruka Monforte, Serio RV Dj, Anita Tijoux, Green Valley, Sara Socas, Sober, Los de Marras, Maneiro, Pauliña, Amoebo, Festicultores Troupe.
