Por primeira vez dende que se celebran as Festas Patronais de Monforte haberá aseos públicos e de uso libre e gratuíto que darán servizo ás necesidades sanitarias das moitas persoas que se chegan a concentrar na zona da Compañía, durante a celebración das Festas.
Estarán en uso dende o luns 12 de agosto ata o venres 16, data na que finalizan as Festas.
Tal e como explicou Tomé “os baños que terán servizo de limpeza e mantemento diario, estarán situados na zona de celebración das actuacións musicais, 6 ó inicio do Parque dos Condes, na zona da pérgola e 6 na zona arbolada do Parque da Compañía, que, como xa se sabe, son as localizacións nas que se producen mais aglomeracións de xente”.
Ademais, explicou tamén o rexedor, “en cada unha das ubicacións escollidas colocaranse 5 aseos mixtos e 1 para persoas de mobilidade reducida e desta forma, aumentarase considerablemente a oferta que se viña dando en anos anteriores, a través dos locais de ocio, que están funcionando nesta zona”.
PRIMEIRO DÍA DAS FESTAS PATRONAIS
Domingo día 11 de agosto:
20:30 h.- Pregón, a cargo de Isabel Pardo de Vera Posada, na Casa do Concello, logo da intervención institucional do Alcalde, José Tomé Roca.
22:30 h.- ROSA CEDRÓN, na Praza de España .
