Este xoves a comitiva oficial encabezada polo Alcalde e formada por diversos membros da Corporación Municipal, así como por representantes dos Corpos e Forzas de Seguridade do Estado e diversas autoridades de índole local, galego e nacional, subiu á igrexa de San Vicente, acompañada polo Grupo de Baile Tradicional do Concello de Monforte de Lemos e do Grupo de Gaitas Gaiteiros de Lemos.
O párroco D. Rafael recibiu ó rexedor municipal para posteriormente celebrar a eucaristía que estivo cantada pola Coral Polifónica do Concello de Monforte. No atrio e exterior da igrexa celebrouse a Procesión e Ofrenda floral á Virxe de Montserrat. Despois da actuación do Grupo de Baile Tradicional do Concello de Monforte co Grupo de Gaitas Terra de Lemos remataron os actos na honra á Virxe de Montserrat.
Día da Patroa 2024 / Concello de Monforte
Ademais do Alcalde, José Tomé Roca, tamén participaron a 1ª Tenente de Alcalde, Gloria Prada, as concelleiras de Cultura, Marina Doutón, Sanidade, Pilar Espinosa, Consumo, Regina López, Muller e Igualdade, Margarita López, os concelleiros de Servizos, José Luis Losada e Deportes, José Manuel Mougán, os concelleiros do Partido Popular, Katherinie Varela, José Luis Rodríguez, María Luisa Vázquez e Emilio Iván Vázquez, o concelleiro do BNG, Emilio Sánchez. Por parte da Policía Local de Monforte, participaron o Inspector Xefe, Miguel Martínez, e o oficial Néstor Álvarez.
Tamén cabe citar a presencia do senador César Mogo, os alcaldes de Pantón, José Luis Álvarez e Sober, Luis Fernández, a deputada provincial Mª Sol Morandeira, a Directora Territorial de Emprego, Comercio e Emigración, Carmen José López, así como distintos pedáneos e pedáneas, e tamén María Emilia Casas Baamonde, Julio Padilla Carballada ou Margarita Rodríguez Otero, entre outras autoridades.
O prato forte no programa das Festas Patronais neste 15 de agosto foron tamén os Fogos de San Vicente e o concerto de Álvaro de Luna.
Neste último día celebraranse os Fogos Artificiais de Auga desde o Malecón ás 00:00, para ás 00:30 ter o concerto de La La Love You na Compañía.
