A “Festa da Vendima do Saviñao 2024″ é unha proposta fresca e diferente cun amplo programa de actividades que xiran ao redor dos labores típicos da vendima, o viño, a gastronomía e o folclore. A feira abrirá tanto o sábado como o domingo ás 11:00h, contarán con posto na Festa da Vendimia as adegas: Adegas Moure, Pilares de Belesar, S.A.T. Virxe Dos Remedios, Galanteiro e Adega Gozo.

Nos dous días celebraranse obradoiros infantís desde as 17:30h. Tamén se celebrarán obradoiros de Artesanía de Galicia de 12:00 a 14:00 e de 16:00 a 20:00. O sábado ás 12:30 haberá un obradoiro de cata de uvas e de viños e ás 14:00 comezará outro de cociña en vivo coa IXP Ternera Gallega

A cita desenvólvese nun entorno natural como é o da Devesa de Escairón, que ofrece ao visitante a posibilidade de desfrutar dos viños das ribeiras do Miño, da súa gastronomía, da súa artesanía e das súas tradicións. Contando con espazo para a venda de coiro e metal; artesanía en madeira, xoiería, olería de Gundivós, atrapasoños, navallas e coitelos… No apartado gastronómico contarase con embutidos, queixos, doces, galletas, obleas, empanadas e pan artesán, mel ou xeados artesáns.

Ó longo da xornada, a Devesa acollerá actuacións musicais os días 31 de agosto e 1 de setembro. Excelente escenario para amosar o talento de agrupacións musicais con propostas que van dende a música galega ata a música de vangarda. O sábado contarase con ambientación musical do Grupo Searas e a partir das 19:30 as actuacións correrán por conta de Rosa Cedrón, Mercedes Peón, Banda de Balbina e Charanga Europa. O domingo ambientarán a xornada o Grupo de Gaitas Os Tarabelo do Saviñao eo violinista Marcos Valcárcel. Nesta xornada actuarán ademais a partir das 17:30, Charanga Unión Phenosa, Milladoiro e o Grupo América de Vigo.

Durante a fin de semana o Ecomuseo de Arxeriz trasladará á Devesa parte dos seus fondos que explican o pasado e presente da viticultura nas ribeiras do Miño.