A Asociación Micolóxica Os Lactouros comeza as súas Xornadas Micolóxicas anunciando á presentación da Guía Micolóxica Básica da Provincia de Lugo, unha publicación que se dará a coñecer en Monforte en colaboración coa Sociedade Micolóxica Lucus e a librería Entre Libros.
O evento celebrarase este mércores, ás 20:00 horas, na Sociedade Fraternal e durante a presentación os catro autores da guía compartirán detalles sobre a súa elaboración e destacarán a importancia desta obra para o coñecemento e a conservación do patrimonio micolóxico da provincia.
PROGRAMA DAS XORNADAS LACTOUROS
Xoves 21 e venres 22 de novembro: Charlas ás 20:00 horas no Centro do Viño de Monforte de Lemos.
Sábado 23: Saída ao monte para a recolección de cogomelos, seguida dun xantar popular para gozar da gastronomía micolóxica en boa compañía.
Dende a organización informan que estes eventos están dirixidos tanto a expertos como a persoas que desexen iniciarse no apaixonante mundo dos fungos.
