O Ministerio de Transportes e Mobilidade Sostible adxudicou por 13.690.415,53 euros, IVE incluído, un contrato para a conservación e explotación de estradas do Estado na provincia de Lugo. A duración dos traballos será de 3 anos, con posibilidade de prórroga de 2 anos e outra adicional dun máximo de 9 meses.

Este contrato inclúe requisitos para promover a eficiencia enerxética e a redución de emisións, e enmárcase no programa deste Ministerio para manter as condicións de circulación, vialidad e seguridade na Rede de Estradas do Estado (RCE), asegurando que sexa accesible nas condicións adecuadas a todos os cidadáns. Recolle actuacións como a vixilancia e atención de accidentes, a vialidad invernal, o servizo de control de túneles e comunicacións ou o mantemento de instalacións.

Este contrato está destinado ao mantemento e conservación de 267,810 km de estradas do sector nº3, incluíndo 46,5 de autovía, e inclúe varios tramos das seguintes estradas:

• A-54 entre o quilómetro 0 na ligazón con Nadela ata o 38, na ligazón coa N-547.
• A-56 desde o quilómetro 40,6, en San Martiño ata o 49,1 , na ligazón de Barrela norte.
• N-540 desde o quilómetro 0, en Lugo, pasando por municipios como Guntín ou Chantada, ata o 68,9, no límite provincial con Ourense.
• N-540A desde o quilómetro 7,3 ata o 8,3, pola travesía de Calde.
• N-547 desde o km 18,6 na ligazón coa A-54 á altura de Guntín de Pallares, ata o km 42,6, no límite provincial coa Coruña. Este tramo atravesa o municipio de Palas de Rei.
• N-640 desde o 122,1 en Vendas de Narón, ata o 144,2, no límite provincial con Pontevedra.
• N-120 desde o quilómetro 472,8 ao 548,8, atravesando municipios como Quiroga ou Monforte de Lemos.
• N-120ª do quilómetro 526,5 en Monforte de Lemos ao 531,9 en Ferreira de Pantón; e do 533,6 no límite deste municipio, ao 548,8, no límite provincial con Lugo e Ourense.
• LU-12 no tramo de acceso a Lugo, desde o km 0 na conexión coa A-54, ao 3,9, na ligazón coa N-540

O modelo de contratos mixtos (servizos e obra) para a execución de operacións de conservación e explotación persegue ofrecer un servizo integral de mobilidade ao usuario, mellorar o estado da estrada e rede, e optimizar os recursos públicos. A través deles realízanse traballos de axuda á vialidade e conservación ordinaria das estradas, para permitir que a infraestrutura e os seus elementos funcionais dispoñan das mellores condicións de circulación e seguridade posibles. Inclúense actuacións como: axenda de información de estado e programación, axuda a explotación e estudos de seguridade viaria, e mantemento dos elementos da estrada con adecuados niveis de calidade.