Como remate do ano, e xa un costume no Concello de Quiroga, ás catro e media desta tarde celebrouse a carreira San Silvestre. Trátase dunha proba non competitiva que se pode facer correndo ou andando, preferentemente disfrazado, e que este ano chegaba á súa décima edición.

O recorrido polo casco urbano foi de tres quilómetros e medio cunha dificultade moi baixa para que poidese participar toda a familia. Iso si, para inscribirse, os participantes tiveron que entregar no punto de saída, na Praza rúa Lago, 2 quilos de produtos non perecedoiros que se doarán ao departamento de Servizos Sociais do concello para que os fará chegar ás familias máis necesitadas do municipio.

A novidade desta edición foi a celebración das pre-badaladas antes do seu inicio e ao remate da carreira fíxose entrega dunha cesta de Nadal á persoa que fixo a carreira co mellor disfrace e sorteáronse outras catro entre o resto de participantes. Estas cestas de Nadal foron doadas polos supermercados de Quiroga.