Este mércores 29 de xaneiro, Acción contra a Fame organiza a xuntanza “Comunicar para atraer: Difusión de produtos turísticos”, centrada na comunicación e difusión de produtos aplicando unha mirada conxunta de destino turístico. A reunión enmárcase no proxecto Comunidades de Emprego e Emprendemento Rural Sostible, financiado polo Fondo Social Europeo + e a Fundación MAPFRE.
O eixo central da reunión será a realización de dinámicas grupais e participativas, deseñadas para fomentar a creación de sinerxías no ámbito do turismo. As actividades estarán enfocadas no deseño de estratexias conxuntas para a comunicación e difusión coordinada de produtos turísticos, co obxectivo de unir esforzos e maximizar o impacto na promoción do destino.
Acción contra a Fame chama a participar a aquelas persoas empresarias, emprendedoras ou a calquera interesado en fortalecer o atractivo do destino turístico a través dunha estratexia conxunta. Inscricións nesta ligazón: https://bit.ly/comunicarturismo
Programa
- 16:30 Apertura
- Presentación da xuntanza. Alexandra Seara (xerente do Consorcio de Turismo Ribeira Sacra) e Javier Rodríguez Medela (xerente do GDR-05 Miño-Ulla)
- Comunicar para posicionar destinos turísticos. Eva González (Coordinadora do GDR-10 Limia-Arnoia)
- Dinámicas grupais para a xeración de sinerxías e accións de comunicación coordinadas de produtos turísticos aplicando unha mirada de destino. Dani Diéguez (experto en emprendemento e dinamizador)
- Conclusións
- Peche da xuntanza
