HomesociedadeOs días 29 e 30 de marzo celébrase a Mostra do Aceite...

Os días 29 e 30 de marzo celébrase a Mostra do Aceite de Quiroga que abrirá cun congreso

A cita chega á súa XXV edición e comisión organizadora, composta polo Alcalde de Quiroga, José Luís Rivera, produtores de aceite e técnicos municipais, quere neste 25 aniversario "darlle o recoñecemento que o aceite quirogués se merece". A celebración do “II Congreso do Aceite de Oliva de Quiroga” e a dobre localización son algunhas das novidades.

Publicado o

POR
Redacción
- Advertisement -

Dous días, 29 e 30 de marzo, son as datas fixadas para esta celebración que abrirá co II Congreso do Aceite de Oliva de Quiroga. O primeiro congreso celebrárase no ano 2020, cando por mor da pandemia Covid finalmente non foi posible realizalo de forma presencial como estaba previsto e optouse por levalo a cabo a través de vídeo conferencia. Neste segundo congreso, que se realizará o sábado 29 no Auditorio Municipal, contarase con persoas de renome no mundo do aceite nacional. O congreso rematará coa degustación de pinchos elaborados con aceite de Quiroga.

A outra das grandes novidades é a dobre localización. Na xornada do domingo os postos de venda situaranse na praza do Auditorio Municipal e realizaranse actividades aproveitando as instalacións municipais que a rodean, o Museo Etnográfico, o Albergue Municipal e o propio Auditorio. Pero tamén funcionará o Muíño de Aceite de Bendilló, para que os visitantes poidan seguir coñecendo a elaboración tradicional do aceite. Para facilitar o desprazamento dende as 11:00 ata as 14:00 horas sairá un autobús cada hora entre a vila quiroguesa e o muíño de aceite.

Continuando coas activades programadas o domingo para o 25 aniversario da mostra, por primeira vez contarase cun pregón que enxalce as cualidades no aceite de oliva de Quiroga e un show cooking, unha demostración culinaria con explicacións do que se está realizando.

Prográmanse tres degustacións de aceite de Quiroga comentadas –dúas pola mañá e unha pola tarde – nas instalacións do Museo Etnográfico, que terá unha xornada de portas abertas con visitas guiadas. E rematarase a xornada cunha actuación musical.

ÚLTIMAS

A Agrupación de Empresas da Ribeira Sacra presenta o seu Plan Director

O delegado territorial da Xunta, Javier Arias, asistiu ao acto de presentación das liñas...

A MAVI que promove a educación en igualdade de xénero chegou este martes a Taboada

A subdelegada presentou este programa, que posibilita que a cidadanía teña acceso a materiais...

Cachan por cuarta vez no Saviñao a un septuaxenario conducindo sen carné e posto de cocaína

A Garda Civil interceptou por cuarta vez no municipio lucense do Saviñao a un condutor septuaxenario...

Inscricións abertas ata o 10 de marzo para participar na XXI Feira Medieval de Monforte

A XXI Feira Medieval celebrarase o sábado día 19 e o domingo, 20 de...