A programación de Entroido 2025 comeza en Monforte este 20 de febreiro co Xoves de Compadres, unha tradición que o Concello quere preservar dende hai anos convocando á veciñanza e centros de ensino a participar nun concurso.
Concurso do Xoves de Compadres
Para este certame, a Concellería de Cultura de Monforte levou a cabo tres convocatorias. Unha delas para os centros de ensino (colectivo e individual), outra para parroquias, barrios e rúas do Concello (individual e colectivo) e por último, unha terceira de carácter individual.
Os criterios que seguirá o xurado para determinar os gañadores terán en conta a orixinalidade dos materiais empregados e tamén se vai valorar a montaxe, a elaboración e os materiais utilizados, o interese etnográfico e a crítica social. Cada un destes criterios terá unha valoración mínima do 10% e a máxima será do 25% do total da puntuación.
Os premios para cada unha das convocatorias, tendo unha partida máxima de 2.000€, son os seguintes:
Individuais:
1º premio: 100 euros
2º premio: 75 euros
Accésit: 50 euros
Colectivos:
1º premio: 150 euros
2º premio: 120 euros
Accésit: 75 euros
Outros premios:
-Premio á etnografía: 150 euros
-Premio á crítica social: 150 euros
O concurso de Compadres, nas distintas categorías, desenvolverase a partir das 17:30 h. na praza de España de Monforte. Neste lugar amosaranse as creacións, farase a comunicación oficial dos gañadores e gañadoras e procederase á queima dos compadres que así o desexen.
Na web do Concello de Monforte pódense ver TODOS OS PARTICIPANTES.
