Monforte de Lemos acollerá esta fin de semana un espectáculo familiar que contará a historia do mítico Pinocho combinando o teatro musical cunha escolma dos números máis clásicos do circo. A carpa está xa montada no lugar habitual para este tipo de eventos, na explanada da Rúa Sarria, e as funcións terán lugar os días 14, 15 e 16 de marzo .

A estrea será este venres 14 ás 18:30 h. e haberá un desconto de 5 € por espectador/a. Despois, o sábado a función terá lugar ás 17:00 h. e o domingo 16, como peche, faranse dous pases; un ás 12:00 h. e outro ás 17:00 h. As entradas poden mercarse en ataquilla.com ou na billeteira ata 1 hora antes do espectáculo sendo a duración é de 2 horas cun descanso de 15 minutos.

A montaxe corre a cargo da empresa cultural Educateatro Producións, dedicada á produción, distribución e promoción de espectáculos infantís e familiares.

O ESPECTÁCULO

Despois de que a Fada Mimadriña convertese a Pinocho nun neno de verdade, o noso protagonista cumpre o seu soño e monta o Circo de Pinocho. Geppeto será o pallaso, a Fada o trapecista e Pepiño Grilo o mestre de cerimonias, pero… faltan o resto de artistas! Geppeto construirá os bonecos que realizarán números de corda frouxa, equilibristas, malabarista, acróbatas… e a Fada Mimadriña daralles vida co seu conxuro.

Co que non contaba ninguén é que este mesmo feitizo fará que Pinocho se transforme de novo nun boneco de madeira.

Durante o fantástico espectáculo de circo, Pinocho e Pepiño Grilo terán que atopar á Fada para reverter o conxuro, pero non aparece por ningures. Raptouna a malvada Chinche Chinchón, que está reclutando artistas para o circo da competencia.

Poderán os protagonistas liberala para que Pinocho volva ser un neno de verdade?