Baixo o título “As Oportunidades de Inverno do Centro Comercial Urbano (CCU) de Monforte” vólvese celebrar un mercado de fin de tempada os días 15 e 16 de marzo no espazo expositivo que hai anexo á Praza de Abastos do Concello de Monforte de Lemos.
As tendas participantes ofrecerán grandes descontos de fin de tempada superando nalgúns casos o 80% en moda, calzado, bebé, complementos, accesorios para mascotas, lenzaría, decoración, mercería, agasallo… As 10 tendas asociadas que participan nesta ocasión son: Intima´s Lencería, FYM Moda, Mercería Carmen, Sapitos y Sirenas, Cactus Rose, Carpe Diem, Da Nosa Terra, Sabrina Moda, Mimos e Kyri Mascotas.
Descontos de ata o 80% e 500 € en xogo nun sorteo entre a xente que faga compras
PREMIO DE 500 €
Aquelas e aqueles que realicen unha compra entre o 15 e o 16 de marzo de 2025 nalgún dos 10 postos participantes na Feira de Oportunidades de Inverno do CCU terán a opción de participar nun sorteo de 500 € en compras. Con cada compra, independentemente do seu importe, recibirase unha papeleta para cubrir cos datos persoais (nome, apelidos, DNI e teléfono de contacto) e posteriormente depositar nunha urna que hai no mesmo recinto expositivo.
O premio para a persoa que resulte gañadora serán 500 € en compras repartidos en 50 € a gastar en cada un dos 10 establecementos participantes na campaña: Intima´s Lencería, FYM Moda, Mercería Carmen, Sapitos y Sirenas, Cactus Rose, Carpe Diem, Da Nosa Terra, Sabrina Moda, Mimos e Kyri Mascotas.
CANDO SERÁ O SORTEO?
O sorteo terá lugar na Praza de Abastos de Monforte de Lemos o domingo 16 de marzo de 2025 ás 19:00 horas. A persoa agraciada no sorteo terá que estar presente fisicamente no lugar do sorteo no momento da selección da papeleta gañadora, pois en caso contrario perdería o dereito ao premio e, pasados 5 minutos sen avisar da súa presenza, procederase a extraer outra papeleta de forma aleatoria. A persoa premiada terá un prazo de 15 días para trocar o seu premio (10 vales de 50 €) en cada un dos 10 establecementos asociados ao CCU participantes no sorteo.
