O brinde colectivo e simultáneo do que participarán 32 denominacións de orixe de España, terá lugar ás 13.30h (ás 12.30h, en Canarias). No caso da D.O. Ribeira Sacra o brinde realizarase no Concello de Pantón, no recinto no que se celebra a XXX Mostra de Viños da Ribeira Sacra de Pantón.

O obxectivo desta acción é achegar o viño con D.O. á xente e reivindicar como as DD.OO. vitivinícolas axudan significativamente, e de diferentes formas, a que as zonas rurais sexan dinámicas e teñan futuro. É un brinde pola diversidade, a calidade, autenticidade, coidado e respecto polo saber facer local e polo medio natural. Enxalzando a contribución das DDOO de viño ao presente e ao futuro dos territorios nos que se sitúan.

A Conferencia Española de Consellos Reguladores Vitivinícolas (CECRV), entidade impulsora, representa ás denominacións de orixe a nivel nacional, e celebra este brinde simbólico cada ano o segundo sábado de maio.