O Concello de Bóveda revela que a gañadora do concurso convocado para elixir cartel deste ano 2025 é a viguesa, Nina Rodríguez Rodríguez, que recibirá un premio de 400 euros. A gañadora repite galardón despois de vencer tamén o ano pasado.

Nesta ocasión presentou unha proposta completamente diferente, un cadro en táboa de madeira con óleo no que tratou de representar esta feira tradicional e tamén a paisaxe da Ribeira Sacra.

Ao concurso presentáronse unha ducia de propostas chegadas de diferentes diferentes puntos da Comarca de Lemos, do resto de Galicia e tamén do Estado.