O sorteo de Quiroga supuxo a segunda parada da iniciativa na provincia de Lugo, promovida pola Xunta de Galicia en colaboración coa Federación Galega de Comercio, co obxectivo de impulsar e dinamizar o comercio local. A campaña desenvolveuse na primeira quincena de xullo nos concellos lucenses de Quiroga, Folgoso do Courel e Ribas do Sil. A campaña Merca no teu Comercio continúa en marcha noutros puntos da provincia de Lugo.
No acto realizouse o sorteo en directo entre os consumidores —que rexistraron as súas compras a través da web da campaña ou directamente no comercio— de 20 tarxetas prepago de 50 euros, canxeables nos establecementos participantes ata o 31 de decembro.
Sorteo merca no teu comercio / Consellería de Emprego, Comercio e Emigración
