O encontro tivo lugar na Casa Museo Ángel Castro Centro de Interpretación da Emigración, un espazo simbólico que rende homenaxe aos vínculos históricos entre Galicia e Cuba.

Durante a xornada realizouse unha plantación simbólica de árbores como parte da homenaxe tamén a Ángel Castro Argiz, pai de Fidel Castro.

No acto participaron tamén membros da corporación municipal; o embaixador da República de Cuba, Marcelino Medina; o vicepresidente da Deputación de Lugo, Efrén Castro Caloto; a cónsul xeral da República de Cuba en Santiago de Compostela para Galicia, Asturias e Cantabria, Ingrid Izquierdo Sterling; así como representantes da Embaixada da República de Cuba en España e do Consulado en Santiago de Compostela.