A programación da feira recolle ás 12:00h a inauguración da exposición ‘Museo escolar do patrimonio Triacastelá: o teu pasado, o meu presente’ realizada polo alumnado do CEIP Eduardo Cela Vila. O acto celebrarase na Fonte do Lunar.

Ao longo da xornada a foodtruck Galicia Sabe Amar visita o Concello e haberá degustacións gastronómicas por experiencias de calidade da Consellería do Medio Rural e demostracións e obradoiros de Artesanía de Galicia para todos os públicos. A Furgoteca achegará unha actuación de contamaxias.

Ás 13:00 horas a conselleira do Medio Rural, María José Gómez, pronunciará o pregón da feira. Xa pola tarde, haberá un concerto de Lucía Pérez coa Banda de Música da Comarca de Sarria ás 18:00 horas.