“A viticultura heroica da Ribeira Sacra volve situarse no máis alto do panorama internacional co motivo do Mondial des Vins Extrêmes 2025, celebrado en Aosta (Italia)”, comentan con gran satisfacción dende o Consello Regulador da D.O. Ribeira Sacra, tras coñecer os resultados do concurso de referencia mundial para os viños producidos en condicións extremas de cultivo.
Os viños deste territorio amparado acadaron 3 Grandes Medallas de Ouro e 14 Medallas de Ouro, un recoñecemento que confirma a excelencia e singularidade desta rexión vitivinícola. Entre os premiados figuran adegas de distintas subzonas da DO (Quiroga, Sober, Chantada, Pantón, O Saviñao, Monforte ou Ribas de Sil), o que reflicte a riqueza e diversidade da Ribeira Sacra.
GALARDÓNS
Gran Medalla de Ouro:
Godello Don Cosme 2024 (EDV 2015 SLU, Quiroga), Mencía Matilda Nieves 2024 (Rectoral de Amandi, Sober) e Mencía Cividade 2024 (Adega Verao, Sober).
Medalla de Ouro:
Vía Romana Añada Mencía 2024 (Adega e Viñedos Vía Romana, Chantada), Mencía Batanero 2022 (Pazo de la Cuesta, Ribas de Sil), Godello 1904 2022 (Adega Vella, Ourense), Mencía Almanova 2024 (Alma das Donas, Pantón), Godello Almalarga 2024 (Alma das Donas, Pantón), Mencía Don Bernardino 2024 (Don Bernardino, Sober), Mencía Don Bernardino 4ª Xeración 2020 (Don Bernardino, Sober), Godello Don Bernardino 2024 (Don Bernardino, Sober), Godello 2024 (Regina Viarum, Sober), Mencía 22º 2023 (Alouviño, Sober), Godello 2019 (Alvaredos-Hobbs, Alvaredo), Mencía Promine Singular 2024 (Bodegas Petrón, Doade-Sober), Mencía Viña Vella 2024 (SAT Virxen dos Remedios, O Saviñao) e Mencía Cárcava 2024 (Viñedos Zarzagal, Monforte de Lemos).
