A conselleira do Medio Rural, María José Gómez, participou da entrega destes premios que recoñecen aos mellores destes produtos cada ano. En total, contouse coa participación de 31 queixerías, que achegaron 66 mostras, e 28 industrias do mel, con 58 mostras, amparadas polos diferentes distintivos de calidade diferenciada recoñecidos para estes eidos produtivos na comunidade

Gómez destacou que estes recoñecementos axudan a dar visibilidade ao traballo ben feito, “xa que cada bote de mel e cada queixo ten detrás un enorme compromiso coa terra e son un reflexo da Galicia Calidade”. Galicia é a terceira comunidade de España con maior número de selos de calidade diferenciada, concretamente 36, aos que se lle suman Agricultura Ecolóxica e Artesanía Alimentaria. “Isto é mérito de todos e cada un dos produtores galegos”, destacou.

A Consellería do Medio Rural destinará o próximo ano 10 millóns de euros ao Plan Saborea Calidade Diferenciada de Galicia, 2 máis que este 2025, co que se seguirán impulsando este tipo de producións.