O dispositivo, que se despregou desde ás 17.00 horas, está formado, de partida, por 16 máquinas quitanieves, 8 pick ups con coitela, 8 vehículos todo terreo de apoio e 48 operarios, que traballarán para garantir a seguridade e a circulación nas estradas provinciais ao longo das vindeiras horas.

A institución conta  tamén con 12 silos de sal repartidos polo territorio (Ourol, O Valadouro, Riotorto, Lugo, Becerreá, O Incio, Pedrafita do Cebreiro, Folgoso do Courel, Cervantes, Navia de Suarna, A Fonsagrada e Ribas de Sil) e traballa de xeito coordinado coas 8 empresas dedicadas á conservación e mantemento da rede viaria provincial.