Homesociedade134.000 euros para a mellora dunha ducia de centros educativos do sur...

134.000 euros para a mellora dunha ducia de centros educativos do sur da provincia

A intención é executar os traballos aproveitando as xornadas non lectivas, de forma que parte deles poderán acometerse durante o entroido e a Semana Santa e o resto no verán.

Publicado o

- Advertisement -

No Centro de Educación Infantil e Primaria (CEIP) Virxe do Carme de Sober, ampliarase o comedor e no CEIP Eloísa Rivadulla de Chantada vaise colocar caucho para facer máis seguro o patio infantil.

No CEIP Monte Baliño de Ferreira de Pantón cambiarase o chan da aula infantil; no CEIP de San Clodio, en Ribas de Sil, realizaranse obras no falso teito da planta alta e cambiaranse luminarias para mellorar a eficiencia enerxética; no Saviñao, no CPI Doutor López Suárez, cambiarase o depósito de gasóleo e no CEIP de Quiroga vanse cambiar zócalos nas aulas.

Instalarase unha varanda exterior e revisarase a instalación eléctrica no Centro Público Integrado (CPI) Uxío Novoneyra de Folgoso do Courel, e no CEIP Currelos do Saviñao reformaranse os baños e a zona administrativa e cambiaranse as ventás.

Así mesmo, realizaranse labores de mantemento do sistema eléctrico no CEIP Rosalía de Castro de Bóveda, no CEIP de Monforte de Lemos e, no mesmo municipio, no CEIP A Gándara e no Centro de Educación Especial Infanta Elena.

Está, ademais, en proxecto a ampliación das instalacións do Instituto de Educación Secundaria (IES) Val do Asma, de Chantada, ao que se destinan 200.000 euros.

ÚLTIMAS

O 7 de xullo celébrase a I Festa Interxeracional Concello de Chantada

A Festa terá lugar o 7 de xullo no pavillón do colexio Eloisa Rivadulla....

Martín Alemparte, anterior xerente do GDR Ribeira Sacra-Courel, toma posesión como director da AGACAL

O acto desenvolveuse no complexo administrativo de San Caetano. Durante a celebración a conselleira...

Luisa Villalta segundo Olga Novo, este 31 de maio en Quiroga

A relatora será a profesora, escritora e tradutora da Pobra do Brollón, Olga Novo;...

Formación en cestaría para a Asociación As Cavarcas do Incio

Dende As Cavarcas destacan a importancia de que a institución provincial, a través da...