A Delegación da Zona Sur da Asociación Provincial de Empresarios Hostalería e Turismo adica este 2 de marzo o #EstaseCocendo ás mulleres, “polo papel que desempeñan na sociedade tan pouco recoñecido”. Celebrarán visita guiada de balde por Monforte e animan ás participantes a acudir disfrazadas, aproveitando que se celebra o Entroido. A cita está aberta a homes tamén. Trátase dunha visita dunha hora que comezará ás 11.00 na explanada da Compañía, ao remate haberá degustación dun viño da D.O. Ribeira Sacra. Poden reservar a través do 982.412.050 ou o 636.008.092 ou ben inscribirse no lugar da saída.
E a gastronomía desta época segue sendo protagonista en Chantada cunha nova edición do #CocidoDay. Trátase dun evento gatronómico aberto a todos, co que cada ano centos de persoas se sentan o mesmo día á mesa cun mesmo obxectivo, comer un bo cocido e difundilo en redes sociais. O cocido é símbolo da gastronomía galega e o #CocidoDay quere ser unha festa de referencia que dea visibilidade á cociña tradicional.
Este ano celebrarase o día 23 de marzo. Pódese participar como restaurante oficial, ofrecendo un bo cocido o día do evento; como colaborador, organizando unha mesa oficial e os seus comensais, como sponsor, como particular,… Só hai que sentarse a comer un bo cocido o día 23 e compartilo en redes sociais co hashtag #CocidoDay, obxectivo que sexa Trending Topic.