Vinis Terrae, o salón profesional especializado en viño e licores galegos de calidade, chega á súa sexta edición. Durante dous días, Expourense convértese nun gran centro de negocios no que se facilitará o contacto directo entre adegas e compradores nacionais da distribución e da hostalería, así como importadores de distintos países, como Alemaña, Países Baixos, Estados Unidos, Polonia, Austria e Reino Unido. Tamén estarán presentes en Ourense representantes da prensa especializada nacional e internacional.
A Denominación de Orixe Ribeira Sacra acode con stand propio no que, en horario de 10.00 a 18.00 h., darase información sobre os viños e repartirase material promocional da Denominación. Ademais, os viños da D.O. Ribeira Sacra formarán parte das catas comentadas que desenvolve o EVEGA.
A D.O. Ribeira Sacra estará representada tamén a través de adegas que acoden a Vinis Terrae a nivel particular, é o caso de Adegas Cachín, Adega Tear, Adega Ribada, Adega Régoa, Adegas Pilares de Belesar, KarmadoSil, Rectoral de Amandi e Virxen dos Remedios.
Vinis Terrae ofrece novas oportunidades comerciais para os viños da D.O. Ribeira Sacra en mercados nacionais con gran concentración turística e permite xerar contactos no estranxeiro con interesados na produción galega, impulsando a exportación no sector.
