O Alcalde de Monforte, José Tomé Roca, manifestou o apoio de Monforte ao ingreso de Tui na Red de Juderías polo “excepcional legado sefardí que atesoura. Tui posúe un legado xudeu moi importante no que destacan os “Sambenitos”, pezas únicas en Europa, atopados fai anos no arquivo da Catedral e que están agora no Museo Diocesano. Na rúa Canicouva está a Casa de Salomón, única en Galicia na súa tipoloxía”.
A Red de Juderías de España-Caminos de Sefarad, á que pertence o Concello de Monfore, é unha Asociación constituída por municipios que contan, nos seus conxuntos medievais, cun patrimonio arquitectónico, histórico, medioambiental e cultural, herdanza das Comunidades xudías que os habitaron.
Os membros da Rede actúan de forma conxunta en defensa do patrimonio histórico e legado xudeu promovendo proxectos culturais, turísticos e académicos e realizando unha política de intercambio de experiencias nacionais e internacionais que contribúan ao coñecemento e respecto mutuo de pobos, culturas e tradicións. A falta das novas incorporacións, integran a Rede, Ávila, Barcelona, Cáceres, Calahorra, Córdoba, Estella-Lizarra, Hervás, Jaén, León, Lucena, Monforte de Lemos, Plasencia, Ribadavia, Segovia, Tarazona, Toledo e Tudela.
A Asociación actúa sen ánimo de lucro e con plena independencia na defensa deste legado. A Red de Juderías de España, na súa proxección internacional, é membro fundador do Itinerario Europeo do Patrimonio Xudeu, e realiza unha intensa labor de difusión no estranxeiro.
Exposición na Casa da Cultura na primeira quincena de abril
A Casa da Cultura de Monforte de Monforte acolle entre o 2 e o 15 de abril, a exposición de Ángel Martínez Díaz. Trátase de pezas elaboradas con materiais naturais como pedras, cunchas, minerais,…
O artista, orixinario de Monforte, vive actualmente en A Coruña, e achega á cidade do Cabe unha completa mostra de obras nas que predominan os motivos animais e naturais.
