HomesociedadeTurismo e Formación para esta Semana Santa na Pobra do Brollón

Turismo e Formación para esta Semana Santa na Pobra do Brollón

O Concello da Pobra do Brollón pon en marcha na Semana Santa, visitas guiadas. Do 13 ao 19 de abril cóntase con dúas propostas, Adegas da Memoria e Castro de San Lourenzo. Ademais, Cereixa acolle do 14 ao 17 de abril un Campamento de primavera destinado a mozas e mozos de entre 8 e 15 anos.

Publicado o

- Advertisement -

Adegas da Memoria, ofrece un paseo que une o conxunto de adegas tradicionais de Vilachá co Miradoiro da Capela sobre a Ribeira Sacra, percorrendo a memoria do lugar e os sabores dos seus viños. A proposta vincúlase ao proxecto mutidisplinar que vén de presentar o concello e que pon en valor as adegas de Vilachá, os conventos, os socalcos e a xente, a través do estudo científico da súa contorna e recollendo todo o proceso nunha serie que se pode ver a través da web https://adegasdamemoria.com. Este xoves día 4 de abril estrearase o primeiro capítulo da serie.

Este paseo rematará con visita ás adegas para probar os viños. A visita é de balde, pero o prezo dos viños dependerá do que fixe cada adegueiro. O punto de encontro para esta actividade é nas adegas de Vilachá ás 11.00h.

A outra visita guiada desta Semana Santa na Pobra do Brollón é ao Castro de San Lourenzo. A proposta pretende dar a coñecer este castro con reocupación medieval con igrexa e camposanto, que servirá de base para coñecer a historia da parroquia. O punto de encontro para esta actividade é a pé do castro ás 17.00 h. O teléfono para Información e reservas sobre as visitas guiadas é o 650 624 828

Campamento de primavera en Cereixa

Cereixa acolle do 14 ao 17 de abril un Campamento de primavera destinado a mozas e mozos de entre 8 e 15 anos.

A actividade encádrase nas propostas do proxecto educativo sen ánimo de lucro, Altair Galiza. Para participar é necesario inscribirse a través do correo seteportaslaltair@gmail.com ou do teléfono 676 51 55 93. O obxectivo do campamento é aproveitar o tempo de lecer, desenvolvendo xogos e actividades na natureza, traballando con valores educativos non competitivos e explorando o autoconcepto. Favorécese a aprendizaxe libre nun espazo de diversión. A actividade ten un custe de 50 euros para as socias e 70 para as non socias.

Con estas actividades o Concello continúa coa aposta de aproveitamento dos seus recursos culturais e patrimoniais tanto a nivel turístico como formativo. Ademais das actividades propias, o Concello apoia e dá cabida a propostas de diversas asociacións tanto locais como de fóra, fomentando o traballo en rede.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...