Os bombeiros tiveron que excarcerar a un mozo de 25 anos que resultou ferido grave tras chocar a furgoneta que manexaba contra un camión de leite na LU-P-1002, ao seu paso por Chantada (Lugo).

Segundo informa o 112 a Europa Press, foi un familiar dun dos implicados quen alertou deste accidente, ocorrido na parroquia da Grade ao redor das 14,00 horas, e dicía que podía haber persoas atrapadas.

Seguidamente, os xestores do CIAE informaron ao 061-Urxencias Sanitarias, á Garda Civil de Tráfico, a Protección Civil de Chantada e aos bombeiros, que lograron excarcerar ao ferido nunha laboriosa intervención.

Tras comprobar os efectivos sanitarios a súa gravidade, solicitaron que acudise ao momento do sinistro un helicóptero medicalizado para trasladalo ata o Complexo Hospitalario Universitario de Ourense (CHUO). Ademais, e a petición dos axentes, os xestores do 112 requiriron a intervención do persoal do servizo de limpeza e mantemento da estrada.