Un incendio deixou reducido a cinzas unha palleira no municipio lucense de Paradela e todos os rolos de herba que os seus propietarios gardaban no seu interior, segundo informou o Centro Integral de Atención a Emerxencias de Galicia (CIAE).

O incendio comezou sobre as 21:15 horas da pasada noite e, segundo o 112, a pesar dos cuantiosos danos materiais, ningunha persoa resultou ferida. Un particular alertou a través de teléfono de emerxencias de que estaba a arder á beira da súa casa un alpendre ocupado antigamente por animais, no que agora os seus propietarios gardaban a herba ensilada, no lugar das Bustaregas, na parroquia de Castro de Rei de Lemos.

Aínda que o lume xa quedou totalmente extinguido, os servizos de emerxencias seguirán vixiando a zona ao longo do día de hoxe para evitar que as chamas se reaviven.