Un home de 56 anos, con iniciais J. M. M.M., resultou ferido de consideración, segundo informaron a Efe fontes dos servizos de emerxencias. O home tivo que ser trasladado ao hospital de referencia nunha UVI móbil tras caerse da moto na que circulaba na localidade de Monforte de Lemos.

O accidente produciuse cando pasaban apenas uns minutos das oito da mañá, na coñecida como Rotonda do Hórreo, en Monforte de Lemos, preto do hospital público da localidade.

O 112 mobilizou para auxiliar á vítima ao servizo de urxencias sanitarias, aos Bombeiros, á Policía Local e á agrupación de voluntarios de Protección Civil. Tras recibir os primeiros auxilios no mesmo lugar do sinistro, o home foi evacuado nunha ambulancia de Soporte Vital Avanzado do 061 ao Hospital Público de Monforte de Lemos.