HomeSucesosTres detidos por asaltar dúas gasolineiras de Monforte

Tres detidos por asaltar dúas gasolineiras de Monforte

A Policía Nacional detivo a tres persoas, unha delas menor de idade, acusadas de dous roubos cometidos en gasolineiras de Monforte das que substraeron máis de 1.000 euros.

Publicado o

POR
Redacción
- Advertisement -

Segundo informa a Policía Nacional, os tres detidos, veciños de Ourense e con antecedentes no seu historial, asaltaron o pasado 15 de decembro dúas gasolineiras, onde causaron danos valorados en 1.000 euros para acceder ao seu interior.

Dos establecementos levaron un botín doutros 1.000 euros. A investigación desenvolvida ao longo do último mes deu coa identificación dos sospeitosos, que foron detidos o pasado xoves nos seus domicilios de Ourense.

Durante ese tempo, este grupo cometeu outro roubo nunha gasolineira da cidade de Ourense. Sucedeu o 30 de decembro e os homes foron detidos tras darse á fuga polas rúas da cidade.

Segundo sinala a Policía, o grupo dividíase en dous para cometer os roubos. Dous (incluído o menor) entraban no establecemento e o terceiro quedaba fose esperando nun coche mentres vixiaba á espera de que os seus compañeiros terminasen para fuxir do lugar.

Tras estes feitos, o tres individuos foron identificados no interior do vehículo que usaban para os roubos e no que se atopou unha pistola de aire compromido durante un rexistro.

O menor quedou en liberdade á espera de xuízo mentres que os seus dous compañeiros foron trasladados para prestar declaración ante o xulgado de Monforte que instrúe o caso.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...