Unha colisión no termo municipal do Saviñao mobilizou na tarde deste pasado luns aos Bombeiros de Chantada para liberar a unha persoa atrapada no interior dun turismo tras unha colisión.
Segundo informou o 112 Galicia, rexistrou o sinistro ás 18,00 horas do luns cando recibiu información sobre un choque frontal na estrada de Currelos a Escairón. Ao lugar acudiron equipos de emerxencias despois de activar o persoal do 112 os protocolos para a mobilización dos recursos de rescate e salvamento, asistencia médica e control e seguridade.
Así, ata lugar do accidente desprazáronse os Bombeiros de Chantada e unha dotación de Urxencias Sanitarias de Galicia-061 a bordo do helicóptero medicalizado con base en Ourense.
Mentres os bombeiros excarceraron a persoa atrapada, o equipo médico dispuxo o necesario para facilitar a evacuación aérea do ferido ao Hospital de Ourense, sinalaron as mesmas fontes. En relación ás tarefas de control e seguridade, o persoal do Centro Integrado de Atención ás Emerxencias de Galicia avisou aos axentes da Garda Civil de Tráfico, que enviaron unha patrulla.
