Este martes ás 11,50 horas, unha persoa particular deu aviso ao 112 dunha saída de vía en Monforte. Trasladaba que había unha persoa atrapada e un bebé no vehículo. Fontes do 112 ratificaron a Europa Press que se mobilizou a efectivos da Policía Local, de Protección Civil, de Urxencias Sanitarias-061, e aos bombeiros.

Unha vez no lugar do accidente, os bombeiros comunicaron que non era necesario proceder á excarceración. Fontes sanitarias confirmaron a Europa Press que tampouco consta ningún traslado ao hospital da condutora, unha muller de 34 anos, nin do menor. A atención resolveuse no punto.