Unha muller tivo que ser trasladada a un hospital ao resultar afectada o fume que emitía un incendio declarado de madrugada na súa vivenda, en Taboada. Segundo informa o 112 Galicia, ocorreu no lugar de Sernande, parroquia de Bouzoa, antes das 4.00 horas, cando os ocupantes do domicilio chamaban á central de emerxencias para pedir axuda por mor dun incendio declarado na súa cociña.

Deste xeito, o 112 avisou aos bombeiros de Chantada, ao GES de Monterroso, a Protección Civil, á Garda Civil e a Urxencias Sanitarias-061, que trasladaron á muller ao centro hospitalario porque presentaba síntomas de intoxicación. Mentres, os equipos de extinción sufocaron as chamas, que danaron a campá extractora e algo de mobiliario da cociña.