O ocupante dun turismo tivo que ser liberado ao quedar atrapado polos pés tras unha colisión con outro vehículo dentro dos límites do Concello da Pobra do Brollón.

Segundo informou o 112 Galicia, o suceso produciuse minutos despois das 19.00 horas deste sábado 23 de novembro na N-120, no punto quilométrico 505 –á altura de Barxa de Lor–, e foi un particular o que deu a voz de alarma.

Ata o punto desprazáronse os Bombeiros de Monforte, a Garda Civil, os membros do GES de Monforte e os profesionais de Urxencias Sanitarias de Galicia-061.