A Policía Nacional detivo o mércores a un home en Monforte de Lemos por golpear a outros dous na rúa o pasado sábado pola noite. Pasou o xoves a disposición do Xulgado de Instrución, que decretou o seu ingreso en prisión provisional, comunicada e sen fianza.

Os feitos ocorreron na noite do sábado na rúa Duquesa de Alba, fronte a un pub. Toda a agresión foi gravada nun vídeo e estivo motivada, supostamente, por unha cuestión de diñeiro.

As dúas persoas feridas, que foron golpeadas cun obxecto contundente, non presentaron denuncia pero o home foi detido o mércores e pasou o xoves a disposición xudicial.

O home, que está investigado por lesións e ameazas, foi identificado o vídeo.