O luns día 3 de xuño pola mañá deron comezo os traballos de limpeza e acondicionamento da lagoa do Parque dos Condes.

Primeiramente procédese ó baleirado da auga para logo poder extraer con maquinaria o logo que se foi depositando no seu fondo no inverno. Aproveitando esta actuación, tamén se vai cambiar a bomba do geyser que se atopa no medio da lagoa, posto que leva 2 meses avariado.

O custo destas obras ascenden a 6.138 euros posto que, en declaracións do Alcalde, “a lagoa é un dos espazos máis emblemáticos da nosa cidade; co Parque dos Condes ó seu redor trátase dunha das zonas que atrae a un maior número de turistas e tamén un dos lugares máis visitados polos veciños da cidade. Por iso, consideramos que a limpeza e o mantemento da lagoa é unha tarefa imprescindible para poder dar boa imaxe e que esta sexa unha das nosas cartas de presentación”.