O Consello de Administración de Adif aprobou a licitación de tres contratos, condicionada á autorización de Consello de Ministros, para avanzar na electrificación do tramo ferroviario Ourense-Monforte de Lemos-Lugo, cun investimento global de 83.071.728,16 euros (IVE incluído).
Segundo informou Adif nun comunicado, estes contratos “engloban aexecución da electrificación e a mellora das instalaciónsde sinalización e telecomunicacións do tramo Monforte-Lugo”, así como a construción da subestación eléctrica de tracción de Oural e dos centros de autotransformación necesarios para o traxecto Ourense-Monforte de Lemos-Lugo.
Un dos contratos licitados, cun orzamento de 21.230.252,91 euros (IVE incluído), comprende a execución da electrificación entre as estacións de Monforte de Lemos e a terminal de Lugo Mercadorías, do traxecto Monforte de Lemos-Betanzos, cunhalonxitude total de 70 quilómetros.
Este inclúe a electrificación das estacións de Rubián, Oural, Sarria, San Xian, Laxosa, Lugo e Lugo Mercadorías. No devandito traxecto, actualmente non electrificado, instalarase un sistema de liña aérea de contacto (catenaria) a 25 kV en corrente alterna (CA).
O segundo dos contratos aprobados, por un importe de licitación de 18.427.458,36 euros, fai referencia á construción da subestación eléctrica de tracción de Oural e dos centros de autotransformación para o tramo Ourense-Monforte de Lemos-Lugo.
“Estes elementos son necesarios para implementar a electrificación do tramo a 25 kV, configuración á que se transformará o tendido actualmente existente entre Ourense e Monforte e co que estará dotada anova electrificación entre Monforte e Lugo“, explica Adif.
O fin do terceiro contrato aprobado radica en “a mellora das instalacións de sinalización e telecomunicaciónsdo tramo Monforte-Lugo”, apunta Adif, cun investimento de 43.414.016,89 euros.
MELLORAS
As actuacións de mellora do tramo en servizo Ourense-Monforte-Lugo, nas que se enmarcan estas licitacións, “teñen como obxectivo cumprir os compromisos de Adif coa optimización das condicións de explotación comercial do traxecto, en parámetros tales como afiabilidade, o confort e os tempos de viaxe“, destaca Adif.
Ademais, indicou que xa se atopa en servizo desde abril de 2018 a variante da Pobra de San Xiao, entre Monforte e Lugo. Entre os principais beneficios deste novo trazado, duns sete quilómetros de lonxitude, destaca asupresión dos 14 pasos a nivel do anterior trazado, “co consecuente aumento da seguridade ferroviaria, viaria e peonil, así como o incremento da velocidade de paso dos trens ata os 160 quilómetros por hora”, conclúe Adif.
