A residencia DomusVi Monforte, que conta cun brote de Covid-19, detectou outro nove positivos entre os seus usuarios, mentres que 28 residentes deste centro recibiron a alta, o que reduce a 32 os casos na actualidade.
Segundo informaron as consellerías de Sanidade e Política Social, os usuarios de residencias de maiores con Covid-19 no conxunto de Galicia descenden a 34, que supoñen 19 menos que a xornada anterior, tras detectarse nove positivos e retirarse do cómputo por negativizar 28 usuarios da DomusVi Monforte.
Por iso, os usuarios de residencias de maiores de Galicia contaxiados con Covid-19 baixan a 34 concentrados en tres centros. En concreto, hai 32 usuarios infectados na DomusVi Monforte, un na residencia do Bolo e outro no San Marcos Hermanitas dos Anciáns Desamparados.
Pola súa banda, non se notificaron casos nos centros de atención á discapacidade na Comunidade galega.