“É moi importante que o Pazo de Tor poña en valor os espazos da servidume”

A investigadora Carolina Casal vén de participar nas II Xornadas Pacegas organizadas pola Deputación de Lugo no Pazo de Tor, coas que se procura poñer voz á memoria oculta e esquecida da servidume dos castelos durante a Idade Media.

Carolina Casal, investigadora e museóloga / remitida

“As mulleres que aparecen cando rebuscas na historia adoitan ser de clase burguesa, pero as campesiñas, a servidume e as escravas son as esquecidas das esquecidas dentro da nosa historia”. Carolina Casal, historiadora, museóloga, conservadora e xestora cultural, procura revisar o pasado cunha perspectiva feminista e de clasedende a que sacar do silencio a historia de todas aquelas mulleres rurais de Galicia que, se ben “soterradas” durante séculos, foron decisivas para o desenvolvemento do país.

No marco da segunda sesión das II Xornadas Pacegas organizadas pola Rede Museística da Deputación de Lugo, baixo o título de Soterradas: a vida tralos mantelos, da fortaleza ao pazo, Carolina Casal vén de ofrecer no Pazo de Tor, en Monforte, unha conferencia na que debullou a memoria oculta das fortalezas galegas na Idade Media. Unha memoria que agora se volve máis visible grazas tamén á recuperación e posta en valor de sete estancias que habitaron as mulleres da servidume no Pazo de Tor. Procúrase, di a Deputación de Lugo, “incorporar a perspectiva de xénero e social ao discurso museográfico”.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here