O Club Quixós de Piragüismo segue colleitando medallas, e xa na recta final da tempada os éxitos deportivos chegáronlle esta pasada fin de semana en Dumbria.
Nesa localidade celebrábase, o sábado 21, o Campionato Galego de Slalom Olímpico, e o domingo 22 o Campionato Galego de Caiac Cross. Os deportistas desprazados do club monfortino dérono todo e acadaron unha boa presa de medallas, concretamente 7 individuais na primeira competición, e tres máis na segunda referida. Como balance, o Club Quixós quedou terceiro en Slalom Olímpico e subcampión no Caiac Cross.
MEDALLAS POR DEPORTISTAS
Na categoría junior feminino, Noa Díaz foi medalla de ouro en C-1 e prata K-1; Sara Inés acadou un ouro en K-1 unha prata en C-1.
En veteráns, Carlos Serafín trouxo para Monforte a medalla de prata en K-1 e Santi Díaz (director deportivo) un bronce. Na modalidade masculina junior, Efrén González foi terceiro en K-1 junior.
No que respecta ao Caiac Cross, Noa Díaz e Efrén González foron ouro, e Sara Inés prata.
