HomesociedadeA piscina climatizada de Monforte incrementa nun 86% o número de abonados...

A piscina climatizada de Monforte incrementa nun 86% o número de abonados desde a súa reapertura trala reforma

Tal e como recollen os rexistros da Oficina de Deportes, o mes de setembro de 2026 pechou con 1.177 socios, fronte aos 632 rexistrados en novembro de 2025, o primeiro mes completo de funcionamento da piscina, o que representa un incremento de 545 persoas e un crecemento do 86,2 %.

Publicado o

POR
Redacción
- Advertisement -

O alcalde de Monforte, José Tomé Roca, amosa a súa satisfacción pola evolución experimentada no número de abonados á Piscina Climatizada Municipal, cando está a piques de cumprirse o primeiro ano de funcionamento desde a súa reapertura, o 27 de outubro de 2025, trala reforma integral acometida no edificio.

Ademais do incremento no número de abonados, na actualidade están inscritos nas actividades 469 cursillistas, o que eleva o número de usuarios das instalacións da piscina a un total de 1.646.

“Estes datos avalan a aposta realizada polo Equipo de Goberno para acometer a reforma integral do Complexo Deportivo da Pinguela e ofrecer á cidadanía un equipamento deportivo moderno, funcional e de excelente calidade, tal que e como se vén comprobando desde que inauguramos a reforma do Pavillón Polideportivo, en outubro de 2023”, afirma o rexedor monfortino.

A evolución mensual dos abonados reflicte unha progresión ascendente continuada, tal e como indican os datos:

  • Novembro de 2025         632
  • Decembro de 2025         690
  • Xaneiro de 2026             707
  • Febreiro de 2026            761
  • Marzo de 2026               892
  • Abril de 2026                 992
  • Maio de 2026                 1.008
  • Xuño de 2026                1.016
  • Xullo de 2026                1.066
  • Agosto de 2026             1.086
  • Setembro de 2026         1.177

Esta evolución supón que, entre novembro de 2025 e setembro de 2026, o número de abonados aumentou un 86,2 %, cunha progresión especialmente significativa nos últimos meses, que confirma a crecente utilización da instalación por parte da cidadanía, tanto da Piscina como do Ximnasio Municipal.

2,3M€ para modernizar as instalacións da piscina

A evolución positiva do número de socios coincide coa posta en funcionamento dunha instalación completamente renovada tras unha reforma integral na que o Concello investiu 2,3 millóns de euros. A intervención supuxo a primeira actuación de gran calado neste equipamento deportivo, que databa de 1994, e permitiu transformar o edificio e mellorar a funcionalidade do conxunto do complexo deportivo da Pinguela.

O resultado é unha piscina moderna, segura, eficiente e sostible, con espazos reordenados para facilitar os desprazamentos e mellorar a comodidade das persoas usuarias. A reforma incluíu a creación dunha recepción común coa que se conecta a piscina co pavillón polideportivo, a renovación completa dos vestiarios e a mellora das circulacións interiores, separando os percorridos de pés secos e pés húmidos para favorecer unhas condicións hixiénicas máis adecuadas.

A actuación permitiu tamén ampliar a superficie destinada ao ximnasio, que pasou de 235 a 300 metros cadrados, incrementar o espazo das bancadas e crear unha nova cafetería, concibida para dar servizo tanto á piscina como ao pavillón polideportivo. Precisamente vense de adxudicar a xestión da cafetería que vai prestar servizo tanto aos usuarios da piscina e do ximnasio como do pavillón polideportivo, e a poboación en xeral, sen necesidade de estar abonado, xa que o acceso é independente.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...