O presidente da Xunta, Alberto Núñez Feijóo, sinalou o novo centro de saúde do Saviñao como mostra da aposta do Goberno galego pola transformación da Atención Primaria.

Durante unha visita ás novas instalacións, destacou que se investiron 8 millóns de euros en infraestruturas sanitarias situadas no sur da provincia de Lugo. Ademais, resaltou a execución de novos centros de saúde nos municipios de Carballedo, Sarria e Monterroso.

Do mesmo xeito, o presidente galego puxo o foco na dotación dunhas novas instalacións no Saviñao ás que se destinaron 1,12 millóns de euros e que acollerán sete consultas, unha zona pediátrica, unha sala de mostras e outra de estar. Tamén indicou que se licitou o proxecto do novo centro de saúde Antas de Ulla.

Paralelamente, lembrou que leva a cabo unha reforma do Hospital Público de Monforte cun investimento de 1,5 millóns de euros nunhas obras enmarcadas nun Plan Director que se desenvolverá nos próximos anos e que alcanzará os 15 millóns de euros.

TRANSFORMACIÓN DA ATENCIÓN PRIAMRIA

Adicionalmente, Feijóo reiterou o compromiso da Xunta coa continuación da transformación da Atención Primaria mediante unha aposta polas novas tecnoloxías e un modelo máis proactivo e con vocación comunitaria.

Tamén resaltou avances como a nova Lei de saúde, aprobada este ano, que establece a necesidade de elaborar plans locais, coa previsión de que antes de final de