O xeo da LU-P-4102 no municipio lucense do Saviñao provocou varias saídas de vía, pero en ningunha delas houbo que lamentar persoas feridas. Segundo informou o 112 Galicia, minutos antes das 10.00 horas deste domingo un particular alertou de que acababa de envorcar co seu vehículo no quilómetro 21 desa vía e que tanto el como o seu acompañante estaban ben, pero non podían saír do vehículo. Ata o punto desprazáronse os Bombeiros de Chantada que liberaron a ambas as persoas, que non resultaron feridas. Con todo, informaron que había pranchas de xeo na estrada que provocaron que varios vehículos se saísen da vía. No operativo tamén participou a Garda Civil e os servizos de mantemento da estrada.