A Deputación de Lugo informa dun corte de tráfico nunha vía de comunicación dentro dos límites do Concello da Pobra do Brollón. Concretamente, afectará a un treito da estrada LU-P-4702 que comunica Vilachá coa Estación.

O devandito corte comeza este luns 21 de xullo e alongarase durante dúas semanas. Nese período o acceso a Vilachá deberase realizar dende Monforte pola LU-P-3203.

O corte débese ao inicio dos traballos de estendido con aglomerado en quente, entre os puntos quilométricos 2,575 ao 10,897. As obras, cun orzamento de 435.600,00 €, serán executadas pola empresa FEVISA vías e obras S.L.