InicioTerra de LemossanidadeEnfermeiras en Loita reivindican a súa seguridade laboral e respecto á profesión

Enfermeiras en Loita reivindican a súa seguridade laboral e respecto á profesión

Enfermeiras en Loita de Monforte aseguran nun comunicado, que nos últimos meses todas as profesionais que colaboran neste colectivo, centráronse nos pacientes e nos seus coidados, deixando de lado as súas reivindicacións. Pero ante os continuos abusos, que dín padecen por parte do Sergas, afirman que non poden quedar caladas.

Publicado o

- Advertisement -

Lembran desde Enfermeiras en Loita a colaboración prestada de diversos xeitos, “renunciando aos nosos mermados dereitos, intensificando a nosa labor en materia de educación sanitaria, organizándonos entre compañeiras para a elaboración de protocolos de actuación en cada unidade asistencial, a pesar de saber que esa función lle corresponde a departamentos superiores; asumindo unha carga psicolóxica e física que en moitos casos xa nos está a pasar factura. Soportando a falta de epis e material.”

Insisten na importancia de que se lles realicen as probas do Covid19 para garantir a seguridade de todos e reivindican a súa seguridade laboral e respecto á profesión, mentres aseguran acontece o contrario, “Seguindo a súa práctica habitual, o SERGAS continúa ofrecendo contratos de días, mesmo cando se prevé unha necesidade de longa duración, contratos que son renovados cada 15 ou cada 30 días. Esta contratación permítelle a Administración romper a relación laboral coa traballadora ou traballador, en canto vence este prazo, perdéndose así todos os dereitos que correspondan.”

Engaden que o Departamento de Recursos Humanos do Servizo Galego de Saúde non ten reparo en deixalas sen contrato cando presentan unha Incapacidade Temporal tras dar positivo na proba de COVID-19, “O contaxio non só supón un prexuízo á súa saúde senón tamén unha penalización, posto que esta rutura do vínculo laboral tradúcese nunha perda do seu contrato, e polo tanto da baixa laboral en toda a súa consideración, ademais do cómputo de servizos prestados a efectos de baremación nas listaxes de contratación e de cotización.”

Desde Enfermeiras en Loita esixen responsabilidades políticas e un cambio de actitude, respectando os dereitos laborais “para poñer fin á precariedade e mal trato laboral ao que levamos sometidas por parte do goberno da Xunta de Galicia nos últimos anos.” Solicitan tamén á poboación no seu conxunto, que se sensibilice coa súa realidade, pois nas súas mans está poñer en valor o labor do persoal sanitario e esixir, en consecuencia, un cambio das actuais políticas sanitarias.

A saúde é un ben común. Xa é hora de coidar a quen coida

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...