Galicia contabiliza 54 municipios nos que non se rexistrou ningún caso de covid-19 nos últimos 14 días, o que implica que o 17,2 % dos 313 concellos galegos está libre de coronavirus. De todos estes, a gran maioría (33) correspóndense coa provincia de Ourense.
Tras Ourense, sitúase Lugo con 13 municipios libres de covid -case un 20% dos 67 que conforman a provincia-: Baleira, Folgoso do Courel, Muras, Navia de Suarna, Negueira de Muñiz, As Nogais, Ourol, O Páramo, Portomarín, Ribeira de Piquín, Riotorto, Sober e O Vicedo.
Todo iso despréndese do mapa que incorporou este sábado a páxina web da Consellería de Sanidade para informar diariamente os datos da pandemia na Comunidade. Isto implica abandonar o sistema ‘semáforo’ con tres niveles de alerta –amarelo, laranxa e vermello– establecido ata o momento, para ofrecer, aínda que nunha infografía monocolor, os positivos detectados en cada concello en 14 días.
Información completa sobre este tema no Galicia Confidencial.
